ஹிந்திக்குப் போகிறார் இலியானா

தமிழ், மலையாளம், தெலுங்கு சினிமாக்களில் நடித்துள்ள இலியானா விரைவில் ஹிந்தி படத்தில் நடிக்கிறார். தமிழில் கேடி படத்தில் அறிமுகமானவர் இலியானா.

ஆனால் அந்தப் படம் ஓடாததால் தெலுங்குப் பக்கம் சென்றார். முன்னணி ஹீரோக்களுடன் இவர் ஜோடி படங்கள் சூப்பர் ஹிட். இதனால் விரைவிலேயே அவர் நம்பர் ஒன் இடத்துக்குச் சென்றார். தற்போது ஹிந்தியில் நடிக்கவுள்ளார். அனுராக் பாசு இயக்கும் இப்படத்தில் ரன்பீர் கபூர் ஹீரோவாக நடிக்கிறார். அந்த படத்தில் நடிக்க இலியானா ஒப்பந்தம் செய்யப்பட்டுள்ளார். இதுகுறித்து இலியானா கூறியதாவது: இதுவரை பல ஹிந்திப் படங்களில் நடிக்க வாய்ப்பு வந்த போதிலும், இப்போதுதான் நேரம் வந்திருக்கிறது. அனுராக் பாசு இயக்கத்தில் ரன்பீர் கபூரின் நாயகியாக நடிப்பதில் மகிழ்ச்சியடைகிறேன் என்றார் அவர்.