கணினியில் காலியாக இருக்கும் பால்டர்களை நீக்கிவிடுங்கள்

கணினியின் வேகத்தை பற்றி அதிகம் கவலைப்படுபவரா?

அவ்வாறாயின் கணினியை அவ்வப்போது சுத்தம் செய்ய வேண்டும்.

தேவையல்லாத மென்பொருட்களை நீக்கிடுதலும் அவற்றில் ஒன்று. அவ்வாறு செய்யும் போது அதிகமான நேரங்களில் அந்த மென்பொருட்களில் பால்டர்கள் மற்றும் desktop.ini / thumbs.db   போன்றவை நீக்கப்படுவதில்லை. இவற்றை கண்டுபிடித்து நீக்குவதற்கென்றே இருக்கிறது RED என்ற மென்பொருள்.

ஏனைய மென்பொருட்கள் போல அல்லாது தேவையல்லாத பால்டர்கள் இருக்கும் லொகேஷனையும் காட்டுகிறது இந்த மென்பொருள்.  எம்ப்டி பால்டர்களை கண்டுபிடிக்க இந்த மென்பொருளை நிறுவி திறந்து அதிலிருக்கும் Search என்ற பட்டனை கிளிக் செய்யுங்கள்.

பால்டரின் தன்மை பற்றி வலப்பக்கத்தில் நிற வேறுபாட்டுடன் காட்டப்படும்.

எம்ப்டி பால்டர்களை அழித்துவிட delete folders என்பதை கிளிக் செய்துவிட்டால் சரி.

அழிக்கப்படும் பால்டர்கள் ரீசைக்கிள் பின் இல் சேமிக்க வேண்டுமா அல்லது முற்றாக நீக்க வேண்டுமா என்பதை ஆப்ஸன் மூலம் தேர்வு செய்யலாம்.

டவுண்லோட் செய்வதற்கு இங்கே

பயர்பாக்சின் இணைய வேகத்தை அதிகரிக்க

நாம் வலை உலவிகளைக் கொண்டு தான் இணையத்தைப் பயன்படுத்துகிறோம். வலை உலவிகளின் போட்டியில் Firefox மற்றும் Chrome ஆகிய இரண்டுமே முண்ணணியில் உள்ளன. நமது இணைய இணைப்பு நன்றாக இருந்தும் சில நேரம் வலை உலவிகளில் இணையப்பக்கங்கள் மெதுவாக தோன்றச்செய்யும். ஏன் இப்படி மெதுவாக தரவிறக்கம் ஆகின்றன என்று நமக்கும் தெரியாது. இணைய இணைப்பு நல்லதாக பெற்றிருந்தாலும், இணையதளங்கள் மித வேகத்தில் வருவதற்கு காரணம் இணைப்புக்கேற்றவாறு வலை உலவிகளின் அமைப்புகளை மாற்றாமல் இருப்பதே ஆகும். ஒவ்வொரு வலை உலவிகளுக்கும் தனித்தனியே அமைப்புகள்(Configurations) உள்ளடங்கியிருக்கும். இதை நாம் அறிவதில்லை. உதாரணமாக Firefox ன் அமைப்புகளைப் பார்க்க இணைய முகவரி அடிக்குமிடத்தில் About:config என்று தட்டச்சிட்டால் பயர்பாக்ஸ் வலை உலவியின் முக்கிய அமைப்புகள் நமக்குத் தெரியும். இவைகளை நமது இணைப்பிற்கு ஏற்றவாறு மாற்றும் போது வலை உலவியும் புரிந்து கொண்டு வேகத்தை அதிகப்படுத்தும். ஆனால் நாம் தெரியாமல் எதாவது ஒன்றின் மதிப்பை மாற்றிவிட்டால் சிக்கலாகிவிடும். அதனால் இதற்கென இருக்கும் மென்பொருள் தான் Firefox Booster. இந்த மென்பொருளில் நாம் வைத்திருக்கும் இண்டர்நெட் இணைப்பின் வேகத்தை குறிப்பிட்டால் போதும். நமது இணைப்பிற்கு ஏற்றவாறு பயர்பாக்ஸ் உலவியை தயார்படுத்தும். எந்த வகையான இணைப்பு மற்றும் இணைப்பின் வேகம் போன்றவற்றை வைத்து இந்த மென்பொருளானது அதன் வேலையை செய்கிறது. இந்த மென்பொருளை செயல்படுத்தும் போது முக்கியமாக Firefox வலை உலவியை மூடியிருக்க வேண்டும். இந்த மென்பொருள் பயன்படுத்த எளிமையானது. தரவிறக்க சுட்டி